Lenın mavzoleıi ýaqytsha jabylady
MÁSKEÝ. QazAqparat - Máskeýdegi Lenın mavzoleıi dúısenbiden bastap aldyn ala josparlanǵan jóndeý jumystaryn júrgizýge baılanysty ýaqytsha eki aıǵa jabylady, dep habarlady RIA Novostı.
Ádette mavzoleıge aptasyna bes kún saǵat 10.00-den 13.00-ge deıin barýǵa bolady. Mavzoleı Qyzyl alańda buqaralyq qoǵamdyq sharalar men serýen ótetin mereke kúnderi jumys istemeıdi. Ol 2015 jylǵy 1 qańtarda 1 kúnge jabylǵan bolatyn.
«2015 jylǵy 16 aqpan men 16 sáýir aralyǵy kezeńinde jóndeý jumystaryn júrgizýge baılanysty Lenın mavzoleıi kelýshiler úshin jabylady», delingen habarlamada.
Eske sala keteıik, alǵashqy ýaqytsha aǵashtan jasalǵan Lenın mavzoleıi KSRO HKK tóraǵasy qaıtys bolǵan soń bir aptadan keıin 1924 jylǵy 27 qańtarda ashylǵan. Oǵan ol kezde tek qana jaqyn týystary men kommýnıstik partııa, keńes memleketiniń basshylary ǵana kire alǵan. Halyqtyń jappaı kirýine Şýsev jobasy boıynsha ekinshi mavzoleı salynǵannan keıin ruqsat etildi (1924 jylǵy 1 tamyz). Búgingi kúngi úshinshi tastan jasalǵan mavzoleı de Şýsevtiń jobasy boıynsha boı kótergen. Panteon 1930 jylǵy qazanda salyndy.
