Lenın kentiniń az qamtylǵan otbasylary eki tonna kómirden aldy - Pavlodar
PAVLODAR. QazAqparat - Pavlodar qalasynyń ákimdigi men «Nur Otan» partııasynyń fılıaly Lenın kentiniń az qamtylǵan otbasylaryna eki tonna kómirden taratty.
«Nur Otan» partııasy qalalyq fılıaly tóraǵasynyń birinshi orynbasary Naılıa Ahmetovanyń aıtýynsha, aýyl turǵyndary eki mekemege ótinish bildirgen, dep habarlaıdy pavlodarnews.kz .
Árqaısysy 40 tonnadan kómir bólgen. Jalpy 80 tonnany quraǵan otyn Lenın kenti, Kenjekól, Pavlodarskoe, Moıyldy men Jetekshi aýylynyń turǵyndaryna taratyldy. Kómekke muqtaj adamdardyń tizimin jergilikti ákimdik jasady. Al, tasymaldaý men jol shyǵynyn Pavlodar ákimdigi óz jaýapkershiligine aldy. - Janar-jaǵarmaı bazalarynyń dırektorlary birden kelisim berdi, - deıdi Naılıa Ahmetova. - Men bir dırektormen sóıleskende ol kómir tapshylyǵynyń joqtyǵyn aıtty. Adamdar qys taqalyp qalǵanda ǵana dúrlige bastaıdy, eger jazdyń kezinde satyp alsa, uzyn-sonar kezek te bolmas edi. Turǵyndarmen sóılesip edim, olar bylaı dedi: "Jazda kómirdi ótken jyldyń qaldyǵy degen oımen almaımyz. Ol nashar janady, qyzýy az. Qazir alsaq, kómir jańa. Árıne, barlyq adamdar jemis-jıdek, kókónisti jańadan alǵandy unatady. Kómir tańdaǵanda da solaı".
