Leńgirde jańa Alleıanyń qurylysy bastaldy - Túrkistan oblysy
ASTANA. QazAqparat - Tamyz aıynyń basynda Túrkistan oblysy Tóle bı aýdanynyń ákimi Baýyrjan Omarbekovtiń tóraǵalyǵymen «Leńgir qalasy aýmaǵyn abbattandyrý týraly» jınalys ótip, aýdan ákimi qala ákimine qalanyń bezendirilýin basty nazarda ustaýdy tapsyrǵan bolatyn. Nátıjesinde araǵa eki apta salysymen aýdan ákiminiń tapsyrmasyna sáıkes, jumystar bastalyp ta ketti, dep habarlaıdy otyrar.kz.
Alleıa saǵat stellasymen birge Qapal batyr kóshesinde ornalasatyn bolady.
Qazirgi tańda munda montajdyq jumystar, alańdardyń jospary júrgizilýde. «Aımaqty abattandyrý jáne qalada turǵyndar úshin yńǵaıly orta qalyptastyrý - Lenger qalasy ákimdiginiń eń basty mindetteriniń biri bolyp tabylady», - dep abattandyrýdyń mańyzyn túsindiredi qala ákimi Bolat Ádilbekov. Ákimniń sózinshe, Alleıa qurylysy, qalaǵa kireberis arkany qaıta qurý qazannyń alǵashqy kúnderinde uıymdastyrylatyn qala kúnine deıin aıaqtalady.
Eske sala keteıik, 2018 jyly Leńgirde 17 qoǵamdyq oryndy abattandyrý júrgiziledi, onyń ishinde 13 balalar jáne 4 sporttyq alańshalar bar. Onyń ishinde 5 balalar men 1 sporttyq alańsha paıdalanýǵa berilip qoıylǵan. 2018 jyly aımaqty abattandyrýǵa qala bıýdjetinen qarajat qarastyrylǵan. Onyń ishinde Qapal batyr kóshesindegi qalaǵa kireberis arka, led-ekran jáne skver, Tólebı kóshesindegi «Memlekettik rámizder» alańshasy bar. Sondaı-aq, qalalyq aýrýhana aldynan «Shańyraq» skverin salý josparlanýda.
