Leńgirde oqýshylardyń jappaı ýlaný oqıǵasy boıynsha tekserý bastaldy
TÓLEBI. QazAqparat – Túrkistan oblysy Lengir qalasynda mektep oqýshylary men ustazdardyń jappaı ýlaný oqıǵasy boıynsha tekserý sharalary bastaldy. Bul týraly oblystyq polıtsııa departamenti málimet taratty, dep habarlaıdy QazAqparat tilshisi.
Polıtsııanyń habarlaýynsha, atalǵan jaıt boıynsha Tólebı APB-ne tirkeýge alynǵan. Qazirgi tańda tıisti tekserýler júrgizilýde. Tártip saqshylary bolǵan jaıttyń egjeı-tegjeıin anyqtaý ústinde. Aldyn ala anyqtalǵandaı, 10-synyp oqýshysy ózimen birge mektepke gaz balonyna uqsas zatty alyp kelgen. Óziniń aıtýynsha, ony kósheden taýyp alǵan.
«Oqýshy qyz atalmysh zatty qyzyǵýshylyqpen bilim ordasynyń ishine shashqan. Saldarynan 30-ǵa jýyq oqýshy ózderin jaısyz sezinip, aýrýhanaǵa jetkizilgen. Oqýshylardyń barlyǵyna medıtsınalyq kómek kórsetildi. Onyń ishinde 8 oqýshy dárigerdiń baqylaýynda bolsa, qalǵany úıine qaıtaryldy» delingen habarlamada.
Aıta keteıik, buǵan deıin Leńgir qalasyndaǵy mektepte oqýshylar, muǵalimder jáne tehnıkalyq qyzmetkerlerdiń jappaı ıisten ýlanyp, aýrýhanaǵa túskenin habarlaǵan bolatynbyz.
«Oqýshy qyz atalmysh zatty qyzyǵýshylyqpen bilim ordasynyń ishine shashqan. Saldarynan 30-ǵa jýyq oqýshy ózderin jaısyz sezinip, aýrýhanaǵa jetkizilgen. Oqýshylardyń barlyǵyna medıtsınalyq kómek kórsetildi. Onyń ishinde 8 oqýshy dárigerdiń baqylaýynda bolsa, qalǵany úıine qaıtaryldy» delingen habarlamada.
Aıta keteıik, buǵan deıin Leńgir qalasyndaǵy mektepte oqýshylar, muǵalimder jáne tehnıkalyq qyzmetkerlerdiń jappaı ıisten ýlanyp, aýrýhanaǵa túskenin habarlaǵan bolatynbyz.
