Leme menedjeri: Bizge Golovkın kerek
ASTANA. QazAqparat - Mamyr aıynda frantsııalyq Hassan Endam Enjıkam (31-1, 18 KO) men kanadalyq pancher Davıd Leme (33-2, 31 KO) arasyndaǵy jekpe-jek ótedi.
Davıd Lemeniń menedjeri Kamıl Estefannyń aıtýynsha, onyń boksshysy eń myqty boksshylarmen judyryq túıistirýge daıyn jáne tek iri kezdesýlerge umtylatyn bolady.
«Biz qarsylas retinde Enjıkamdy qalaımyz, - deıdi menedjer. - Odan keıin kezekte kim ekenin áli oılastyrǵanymyz joq, biraq Saýl «Kanelo» Alvarespen kúsh synassaq deımiz. Bizge Kotto men Golovkın de kerek. Eger aqshalaı kelissek, bári de bolady. Biz Davıdke tolyq senemiz, ol durys baǵytta kele jatyr jáne kún ótken saıyn jetilýde. Onyń judyryqtasý erekshe, sondyqtan da bolar Leme jekpe-jekteri halyqqa óte unaıdy».
«Hassan rıngte óte myqty qozǵalady. Aıaqtary jyldam. Davıd jaqyn araqashyqta judyryqtasyp, qarsylasyn qýyp júrip, sabaýdy jaqsy kóredi. Bizdi stıldik turǵyda naǵyz aıqas kútip tur. Kýıllınge qarsy ótken jekpe-jekte Enjıkam jerden alty ret turdy. Óte júrekti jigit. Degenmen Lemege qarsy ol bir ret te turmaıdy», - deıdi Estefan.
