Leme Golovkınnen buryn Kanelo nemese Sonderspen aıqasqysy keledi
ASTANA. QazAqparat - 11naýryzda AQSh-ta orta salmaqtaǵy IBF tıtýlynyń ıegeri 28 jastaǵy kanadalyq Davıd Leme 32 jastaǵy amerıkalyq boksshy Kertıs Stıvensti nokaýtqa jiberdi. Artynsha onyń soqqysynyń qýatyn Gennadıı Golovkınmen salystyrdy.
Eske salsaq, 2015 jyly qazanda Golovkın Lemeni ýaqytynan buryn jeńgen bolatyn.
«Ekeýi eki túrli - dep atap ótti Leme. - Golovkın Stıvenske qaraǵanda kúshti ári soqqysy qýatty. Ózim aıtqandaı, kimmen bolsa da, Golovkınmen de aıqasýǵa ázirmin. Biraq meniń óz josparym bar. Buǵan deıin Saýl „Kanelo" Alvares nemese Bıllı Djo Sonderspen aıqasyp, baq synassam deımin. Myqty qarsylastardy tańdaǵym keledi, sebebi úzdik bolý úshin úzdikterdi jeńý qajet. Menińshe, qazir eń myqty boksshy - Golovkın».
