Leme Golovkınmen qarymta kezdesý ótkizgisi keledi
ASTANA. QazAqparat - Búgingi tańnan bastap IBF nusqasy boıynsha burynǵy álem chempıony Davıd Leme qazaqstandyq boksshy Gennadıı Golovkınnen jeńilýine baılanysty óz pikirin bildirdi, dep habarlaıdy Sports.kz.
Óziniń aýyr soqqylardyń astynda qalǵanyna qaramastan Leme referı kezdesýdi erte toqtatyp qoıdy degen senimde. Buǵan qosa ol Golovkınmen qarymta kezdesýde kúsh synasatynyn aıtty.
«Men ony qurmetteımin. Ol - uly boksshy. Keıbir raýndtarda qaýip joǵary boldy, biraq ol toqtatýǵa laıyq degenge senbeımin. Biz kóp nárseni josparlap qoıǵan edik jáne olar ret-retimen kele jatyr edi. Men tek qolaıly sátti kútip júr edim. Sondyqtan referı kezdesýdi erterek toqtatyp qoıdy dep sanaımyn. Men ári qaraı jalǵastyra alatyn edim. Qazir men eshteme demeı-aq qoıaıyn, biraq aldaǵy ýaqytta biz onymen kezdesetin bolamyz», - dedi Davıd Leme.
