Leh Kachınskıdiń laıneriniń apatyna ekıpajdyń qateligi sebep bolǵan - Polsha memlekettik komıssııasy
ASTANA. Mamyrdyń 27-si. QazAqparat - Polsha Prezıdenti Leh Kachınskıdiń ushaǵynyń Reseıdiń Smolensk qalasynyń túbinde apatqa ushyraýyna ekıpaj jol bergen qatelik sebep bolǵan.
Bul týraly Polshanyń Avıatsııalyq oqıǵanyń sebebin tekserý jónindegi memlekettik komıssııasynyń jetekshisi Edmýnd Klıh málim etti, dep habarlaıdy ITAR-TASS.
Onyń aıtýynsha, «ushqyshtar ushaqtyń avtomattyq qaýipsizdik júıesi habarlaǵan qaýip týraly barlyq eskertýge qulaq aspaǵan», dep jazady «Rech Pospolıta" gazeti. «Osylaısha olar shekten tys táýekelge barǵan», deıdi maman.
Katyndaǵy aza tutý sharasyna qatysý úshin kele jatqan Prezıdent Leh Kachınskı bastaǵan úkimettik delegatsııanyń ushaq Smolensk mańynda sáýirdiń 10-y kúni apat bolǵan edi.
