LEGO kompanııasy dinaralyq arazdyqty qozdyrǵany úshin aıyptalyp otyr

Ortalyq LEGO kompanııasynyń «Ǵalamdyq soǵystar» toptamasynan «Djabba saraıy» dep atalatyn jıyntyǵyn saýdaǵa shyǵarýǵa qarsylyq bildirmekshi, dep jazady muslim.kz.

Sóıtse, kompanııanyń shyǵarǵan «Djabba saraıy» dep atalatyn qurastyrmaly oıynshyǵy Ystambuldaǵy Aııa Sofııadan jáne Beırýttegi Djamma ál-Kabıra meshitinen aýmaı qalǵan. Oıynshyqtyń munarasy meshittiń mınaretinen, al qolyna balta men pýlemet ustaǵan qaraýyl azanshyǵa uqsap qalǵan. «Muny kórgen bala azanshyny qarýly qylmysker dep te oılap qalýy múmkin ǵoı» deıdi túrik qaýymdastyǵy. Qysqasy, qaýymdastyq músheleri bul «Djabba saraıyn» tek meshitke ǵana emes, sonymen qatar Karolıngter dáýirindegi hramǵa da, Rımdegi Panteonǵa da, tipti, býdda nemese ındýs hramyna da, ıaǵnı túrli dinderdiń ǵıbadathanalaryna uqsatqan. Onyń ústine «Ǵalamdyq soǵystardaǵy» qaskúnem Djabba Hattyń beınesi túrik jamaǵatynyń pikirinshe, terrorıst, qanisher, qul ıelenýshi retinde jańsaq qabyldanyp júrgen Taıaý Shyǵys pen Azııa halyqtary týraly jalǵan túsinikke jeteleıdi.

«Aınalyp kelgende mundaı jaǵdaılar Eýropadaǵy mádenı yqpaldastyq pen yntymaqtastyqqa syna qaǵyp, syzat túsiredi» dep málimdedi túrik jamaǵaty. Buǵan qosa, LEGO toptamasynda zymyrandar, zeńbirekter, lazerlik tapanshalar, pýlemetter jáne samýraılardyń qylyshy sekildi oıynshyqtar satylady. Bulardyń bári pedagogıkalyq turǵydan, tárbıelik jaǵynan qaraǵanda asa qaýipti oıynshyqtar. Osyǵan oraı atalmysh uıym Avstrııanyń, Germanııanyń jáne Túrkııanyń prokýratýralaryna shaǵym túsirýge bel baılap otyr.

Olar LEGO kompanııasynan soǵys pen zorlyq-zombylyqty eske túsiretin oıynshyqtardy saýdaǵy shyǵarmaýdy jáne dinı-mádenı qundylyqtardy qorlaǵany úshin jarııa túrde keshirim suraýdy talap etip otyr. LEGO kompanııasynyń ókili - Katarına Zasse (Katharina Sasse) buǵan jaýap retinde «Djabba saraıy» oıynshyǵy «Ǵalamdyq soǵystardaǵy» prototıpterge sáıkestendirilip qana jasalǵanyn aıtyp otyr.