«Legııa» «Astanamen» ótetin jaýapty matchtyń bıletter qunyn jarııalady
ASTANA. QazAqparat - Polshanyń «Legııa» fýtbol komandasynyń resmı saıtynda «Astanamen» ótetin Chempıondar lıgasynyń úshinshi irikteý raýndynyń jaýapty matchyna bıletter quny jarııalandy.
Bıletterdiń baǵasy «jankúıer kartasy» men maýsymdyq abonementtiń bar-joǵyna baılanysty erekshelenedi. Atap aıtqanda, tórtinshi sanattaǵy bılettiń quny qarapaıym fýtbol súıer qaýym úshin (jeńildiktersiz) 45 zlotyıǵa túsedi. Bul ulttyq valıýtaǵa shaqqanda - 4010 teńge. Birinshi sanattaǵy bılet 70 zlotyı turady - 6 246 teńge.
«Astana - «Legııa»-nyń birinshi kezdesýi 26 shilde kúni Astanada ótedi, al jaýapty match Varshavada 2 tamyzda ótpek.
