Legıonerlerge tólenetin qarajatty balalar fýtbolyn damytýǵa jumsaý qajet - Baqaýov
ASTANA. QazAqparat - Pavlodar oblysynyń ákimi Bolat Baqaýov legıonerlerge tólenetin qarajatty balalar fýtbolyn damytýǵa jumsaý qajet ekenin atap ótti.
Bul týraly búgin aımaq basshysy bıylǵy jyldy qorytyndylap, 2017 jylǵy josparlarmen bólisý barysynda málim etti, dep habarlaıdy pavlodarnews.kz.
«Bizge legıonerlersiz oınaýdy úırený qajet», - dedi ol. - Al, olarǵa tólenetin aqshany balalar fýtbolyn damytyp, óz fýtbolshylarymyzdy ósirý kerek». Premer-lıga klýbtary arasynda fýtbol boıynsha «Ertis» klýby fýtbol maýsymyn úshinshi orynmen aıaqtaǵany este qalatyn oqıǵa boldy. Olar qola júldege ıe bolyp, ózderiniń byltyrǵy jylǵy kórsetkishin jaqsartty. Endi kelesi jyly Eýropa kýbogy oıyndaryna qatysý quqyǵyn ıelendi. Jyl saıyn fýtboldy damytýǵa demeýshilermen birge 2,1 mlrd. teńgedeı qarjy jumsaımyz. Sporttyń bul túrine jankúıer azamattardyń arasynda saýalnama júrgizip, fýtbol úshin bes mlrd. teńge jumsasaq ta artyq bolmas ekenin túsindik. Óńir basshysynyń aıtýynsha, kelesi jyly 2,5 mlrd. teńgege bıiktigi 50 metr basseınniń qurylysy bastalady. 200 mektepte balalardyń shahmatpen aınalysýy úshin úıirmeler ashýǵa 120 mln. teńge qarastyrylǵan. Sebebi shahmat oıyny jas órenderdiń oılaý qabiletin arttyra túsedi.
