Leffler Golovkınniń boks keshinde anshlag kútýde - Djeıkobs
ASTANA. QazAqparat - Promoýter Tom Leffler 18 naýryz kúni ótetin Gennadıı Golovkın men Denıel Djeıkobs arasyndaǵy chempıondyq aıqasta «sell-aýt» kútetinin moıyndady, dep habarlaıdy Sports.kz.
Ótken senbide brýklındik «Barclays Center» ǵımaratynda ótkende Kıt Týrman men Dennı Garsııa jekpe-jegine 16, 533 adam kelgen. Bul kórsetkish arenadaǵy rekordty ornatty. 18 naýryz kúni «Medıson Skver Garden» arenasyna kelýshiler sany satylymda bıletterdiń teń jartysy qalǵanyna qaramastan, 19-20 myń adam bolady dep kútilýde Sonymen qatar, erekshe oqıǵa oryn alýy múmkin. Jergilikti sportshyǵa qaraǵanda syrttan kelgen boksshy tym kóp qoldaýǵa ıe bolýy múmkin.
«Eger sizde durys aıqas bolsa, jankúıerler de jaýap qatýy múmkin. Gennadııdiń arqasynda sońǵy ret «Gardende» ótken Davıd Lememen bolǵan aıqasta barlyq bıletter satylyp ketken edi. Alaıda, biz kórermenderdiń suranysyna oraı kóp adam keledi dep kútýdemiz. Bul - barlyq eldiń aýzynan túspeıtin keremet aıqas bolǵaly tur. Biz Denıel Djeıkobsti asa qatty qurmetteımiz. Ol Gennadıı úshin eń úlken synaq bolyp tabylady. Ol eń úlken pancher. Onyń qoly jyldam qımyldaıdy, sondaı-aq onyń denesi Golovkınnen úlken. Bul, árıne eń qyzyqty teketires bolady», - dedi Leffler NYpost.com-ǵa bergen suhbatynda.
