Leffler Golovkın men Alvarestiń qarymta jekpe-jeginiń qaıda ótýi múmkin ekenin aıtty
ASTANA. QazAqparat - Promoýter Tom Leffler Sky Sports-qa bergen suhbatynda Gennadıı Golovkın men Saýl Alvarestiń qarymta aıqasy qaıda ótetindigi jaıly oılarymen bólisti, dep habarlaıdy Sports.kz.
«Gennadıı aıqasty mamyr aıyna deıin ótkizgisi keledi, al eger olar jekpe-jekti qaıtalaýǵa sheshim qabyldasa, kóre jatarmyz. Biz Golovkınniń mansabyna úzilis jasaı almaımyz, alaıda ekinshi jekpe-jek basymdylyqqa ıe. «Kanelo» mamyrǵa deıin aıqaspaıtyndyǵyn málimdedi, onyń ekinshi jekpe-jekti ótkizgisi keletin, kelmeıtindigin kútý kerek. Eger jekpe-jek qaıtadan Nevadada óter bolsa, ol bizge qıyndyq týǵyzbaıdy. Alaıda bul joly tóreshi máselesine basym nazar aýdarar edik. Berdtyń tóreshilik júıesi Golovkınniń mánerine sáıkes kelmeıdi jáne bul ony qaıta saılamaýǵa negiz bolady», - deıdi promoýter.
Lefflerdiń aıtýynsha, jekpe-jek qaıta ótetin bolsa, Dallas tizimniń basynda bolady.
«Medıson Skver Garden» arenasy da birinshi jekpe-jekti ótkizýge usynys jasaǵan. Alaıda, Klıchko - Djoshýa jekpe-jegindegi «Ýemblı» stadıonynyń keremet atmosferasyn kórgennen keıin, men únemi Dallastaǵy AT&T stadıonyna barý ıdeıasyn jaqtadym. Onda 100 myń orynǵa bılet sata alatyn edik», - dedi Leffler.
