«Ledokol-2» Kógildir shyǵanaqta jaýyngerlik kezekshilikke turdy - ShQO
ÓSKEMEN. QazAqparat - «Ledokol-2» reıdtik muzjarǵysh-órt sóndirý kemesi jaýyngerlik daıyndyqqa keltirilip, Óskemendegi «Ablaketka» aılaǵynan Kók shyǵanaqqa aýystyryldy, dep habarlaıdy «QazAqparat» HAA tilshisi.
TJ departamentinde túsindirgendeı, Buqtyrma sý qoımasynyń jaǵalaýynda órt sóndirý bólimderinen alys qashyqtyqta kóptegen turǵyn úı nysandary ornalasqan. Olardyń ishinde demalys oryndary, balalar sport lagerleri, saıajaı kooperatıvteri, eldi mekender men orman alqaptary bar. Olarǵa kúrdeli bederli oıly-qyrly jerlermen kiredi, sondyqtan órt tehnıkasynyń qozǵalysyna kedergi keltirip, kóp ýaqyt alady. Budan bólek, demalys aımaqtarynyń keıbir jerlerine sý jolymen ǵana bara alady.
Aýystyrylǵan keme joly qıyn ýchaskelerdi tilsiz jaýdan qorǵaıtyn bolady. Osy maqsatta keme tórt lafettik uńǵymen jabdyqtalǵan.
«Ledokol 2» Kógildir shyǵanaq qoǵamdyq demalys aımaǵynda qyrkúıektiń sońyna deıin táýlik boıy kezekshilik etedi.
