Le Penniń jaza merzimi úsh jylǵa deıin qysqartyldy
ASTANA.KAZINFORM - Parıjdiń apellıatsııalyq soty «Ulttyq qaýymdastyq» parlamenttik fraktsııasynyń jetekshisi Marın Le Penniń bas bostandyǵynan aıyrý jazasyn úsh jylǵa deıin qysqartty, dep habarlaıdy TASS agenttigi.
Onyń ishinde eki jylǵa shartty túrde bas bostandyǵynan aıyrý jazasy taǵaıyndaldy, taǵy bir jyl elektrondy bilezik taǵýǵa mindetti bolady.
Sondaı-aq sot Le Pendi 45 aı saılaýǵa túsý quqyǵynan aıyrý týraly sheshim shyǵardy, onyń 30 aıy shartty túrde. Sondyqtan sot sheshimine sáıkes, saıasatker 2025 jyldyń kókteminen bastap 15 aı boıy saılaýǵa qatysa almaıdy.
2025 jyldyń sáýirinde Marın Le Pen tórt jylǵa bas bostandyǵynan aıyrylǵan bolatyn. Frantsııa soty ońshyl «Ulttyq qaýymdastyq» partııasynyń jetekshisi Marın Le Pendi Eýropalyq Odaqtyń qarajatyn durys paıdalanbaǵany úshin kináli dep tapty.
Aıta keteıik, Norvegııa hanshaıymy Mette-Marıttiń uly, 29 jastaǵy Marıýs Borg Heıbı birneshe qylmys, sonyń ishinde eki zorlaý baby boıynsha kináli dep tanylǵannan keıin tórt jylǵa bas bostandyǵynan aıyryldy.
