Іle ózeninde sý deńgeıi kúrt kóterildi
ASTANA. KAZINFORM – Almaty oblysynyń Tótenshe jaǵdaılar departamenti Іle ózeninde sý deńgeıiniń kóterilýine baılanysty eskertý jarııalady, dep habarlaıdy depattamenttiń baspasóz qyzmeti.
Baspasóz qyzmetiniń málimetterine qaraǵanda, 21 aqpan kúni Іle ózeniniń gıdrologııalyq beketinde - 164 km qashyqtyqta, Qapshaǵaı GES-inen joǵary, beketten tómen muzdyń keptelýi nátıjesinde sý deńgeıiniń kúrt ósýi baıqalǵan.
Sý deńgeıi 21 aqpanda saǵat 8.00-de 462 sm-di qurady, qys mezgilinde synı deńgeıde sý deńgeıi - 500 sm bolady.
«Alynǵan aqparattyń negizinde Іle ózeniniń saǵasyndaǵy jaǵdaıdy kózben sholyp tekserý jáne baǵalaý úshin tıisti jerlerge jedel top jiberildi. Tekserý nátıjeleri boıynsha, ıaǵnı eldi mekenderge qaýip tónse, qajetti sharalar qabyldanatyn bolady. Sharyn aýylynyń eń jaqyn eldi mekeni 15-20 km qashyqtyqta ornalasqan. Bul ýchaskede táýlik boıy «Qazgıdromet» RMK baqylaý pýnkti jumys isteıdi»,-delingen habarlamada.
Aıta keteıik, búgin saǵat 16.00-degi jaǵdaı boıynsha kún ashyq, jaýyn-shashynsyz, aýa temperatýrasy -7 gradýs aıaz.
