Іle ózeninde shilde aıyna deıin balyq aýlaýǵa tyıym salyndy
QONAEV. KAZINFORM — Balqash-Alakól oblysaralyq basseındik balyq sharýashylyǵy ınspektsııasy Іle ózeninde balyq aýlaýǵa tyıym salynǵanyn habarlady.
Inspektsııanyń 2026 jyldyń 16 naýryzyndaǵy № 22 buıryǵyna sáıkes, balyqtardyń ýyldyryq shashý kezeńinde Sharyn ózeniniń saǵasynan Qytaı Halyq Respýblıkasynyń memlekettik shekarasyna deıin Іle ózeninde balyq aýlaýǵa bolmaıdy. Tyıym 25 naýryzdan bastap kúshine enedi jáne 5 shilde deıin jalǵasady.
Sonymen qatar ınspektsııa ókilderi oblysaralyq ózge de sý qoımalarynda shekteý qoıylsa, ol týraly qosymsha habarlanatynyn atap ótti.
— Qapshaǵaı sý qoımasynda, Balqash kólinde, Alakól kólder júıesinde jáne Qaratal, Aqsý, Lepsi, Aıagóz ózenderinde balyq aýlaýǵa tyıym salýdy engizý merzimderi osy sý aıdyndaryna zertteý júrgizý nátıjeleri boıynsha qosymsha habarlanatyn bolady, — delingen málimdemede.
Eske salaıyq, buǵan deıin 2026 jyldyń 1 naýryzynan 31 mamyryna deıin Ortańǵy Kólsaı, Tómengi Kólsaı, Qaıyńdy kólderinde jáne park aýmaǵyndaǵy barlyq ózen sýlarynda áýesqoılyq jáne sporttyq maqsatta balyq aýlaýǵa tyıym salyndy.