Le Figaro gazeti: Qazaqstan ulttyq vaktsınasymen koronavırýsqa qarsy naýqandy bastady

NUR-SULTAN. QazAqparat - Qazaqstan QazVac dep atalatyn ulttyq vaktsınasynyń kómegimen koronavırýsqa qarsy vaktsına naýqanyn bastady, ol qazirgi ýaqytta klınıkalyq synaqtyń III satysynda tur. Bul týraly «Le Figaro» gazetiniń saıtynda jarııalanǵan maqalada aıtylǵan.

«Ulttyq telearnanyń málimetinshe, búkil Qazaqstan boıynsha Bıologııalyq qaýipsizdik problemalarynyń memlekettik ǵylymı-zertteý ınstıtýty ázirlegen eki dozaly vaktsınanyń 50 000 dozasy taratylǵan. Densaýlyq saqtaý mınıstri Alekseı Tsoı vaktsınanyń alǵashqy dozasyn teledıdardan tikeleı efırde saldyrdy.

Osydan keıin A.Tsoı ózin «jaqsy» sezinetinin málimdedi jáne úkimet Túrkııamen kóbirek jańa partııalar shyǵarý týraly kelissózder júrgizip jatqanyn aıtty. Qazaqstan Prezıdenti Qasym-Jomart Toqaev COVID-19 vırýsyna qarsy óz vaktsınasyn jasaǵan álemdegi «sanaýly elderdiń biri» retinde eldiń ǵylymı serpilisin atap ótti. Qazaqstan óz aýmaǵynda «Spýtnık V» reseılik vaktsınasyn óndirýdi iske qosqan alǵashqy shet memleket boldy, ol osy ýaqytqa deıin onyń koronavırýsqa qarsy vaktsınatsııalaý naýqanynda basym boldy. A.Tsoıdyń aıtýynsha, naýqan bastalǵannan beri aqpan aıynda Qazaqstanda árbir 20 adam vaktsınatsııalandy. Resmı málimetterge sáıkes, 26 sáýirdegi jaǵdaı boıynsha, 19 mıllıonǵa jýyq halqy bar eldiń 309 myńnan astam turǵyny koronavırýs juqtyrdy, 3570 adam qaıtys boldy. Qazaqstan — kómirsýtegi men tabıǵı resýrstardyń baı qoryna ıe Ortalyq Azııadaǵy eń iri ekonomıkalyq el.