Іle, Ertis, Shelek ózenderinde sý elektr stansalary salynady
ASTANA. KAZINFORM – Іle, Ertis, Shelek ózenderinde sý elektr stansalary salynady. Bul týraly búgin Úkimet otyrysynda «Samuryq-Energo» AQ basqarma tóraǵasy Qaırat Maqsutov aıtty.
«Samuryq-Energo jobalarynyń portfelinde qazirgi kezde birneshe sý elektr stantsııasyn salý boıynsha ınvestıtsııalyq jobalar pysyqtalýda. Onyń ishinde Іle ózeninde qýattylyǵy 50 MVt Kerbulaq GES-i, Ertis ózeninde qýattylyǵy 300 MVt-ǵa deıin Semeı GES-i jáne Shelek ózeninde qýattylyǵy 70 MVt GES-29 bar. Osy jobalar boıynsha jobalaý aldy qujattamany ázirleý, sondaı-aq qurylys úshin jer ýchaskelerimen qamtamasyz etý boıynsha jergilikti atqarýshy organdarmen jumys júrgizilýde», - dedi ol.
Onyń atap ótýinshe, Semeı GES jobasyna qazirgi ýaqytta áleýetti ınvestorlardy izdeý jumystary júrgizilýde. Semeı GES-i boıynsha Katardyń Nebras Paýer kompanııasymen, Shelek ózenindegi GES boıynsha qytaılyq seriktes Paýer Chaına kompanııasymen yntymaqtastyq qarastyrylýda.
«Al Kerbulaq GES-in óz kúshimizben salýdy josparlap otyrmyz. Joǵaryda atalǵan gıdrojobalardy iske asyrýdy aıaqtaý 2027-2028 jyldarǵa boljanyp otyr. Osy GES salý jobalaryn oıdaǵydaı iske asyrý úshin Energetıka mınıstrligimen ınvestıtsııalardy qaıtarý mehanızmin aıqyndaý jolynda birlesip jumys istep jatyrmyz», - dedi Qaırat Maqsutov.
