«Іle-Balqash» memlekettik tabıǵı rezervatynda qamys órtenip jatyr
ASTANA. KAZINFORM – Búginde Qazaqstanda órt qaýipti kezeńi jalǵasyp otyr. Osyǵan oraı, 27 mamyrdan bastap jylý núktelerin berý ýaqytyn 40-60 mınýtqa deıin qysqartý maqsatynda vırtýaldy derekterdi qabyldaý stantsııasy iske qosyldy. Bul týraly «Qazaqstan Ǵarysh Sapary» UK» AQ baspasóz qyzmeti málimdedi.
Málimetter mchs.gharysh.kz geoaqparattyq qyzmeti arqyly Qazaqstan Respýblıkasy Tótenshe jaǵdaılar mınıstrligine jáne onyń aýmaqtyq bólimshelerine jetedi.
11 maýsym kúni saǵat 13:45–te orman sharýashylyǵy bóliminen Іle-Balqash qoryǵy aýmaǵyndaǵy batpaqty alqapta qamys ósimdikteri órtengeni týraly habarlama kelip tústi. Aldyn ala sebep — naızaǵaı razrıady. Tótenshe jaǵdaılar mınıstrliginiń málimeti boıynsha, 2024 jylǵy 13 maýsymdaǵy jaǵdaı boıynsha órt aýmaǵy 30 gektardy qurady.
Alǵashqy jylý núkteleri 2024 jylǵy 11 maýsymda saǵat 11:15–te tirkeldi.
Búgingi kúni ǵaryshtyq monıtorıng derekteri boıynsha Іle-Balqash qoryǵy aýmaǵynda 2024 jylǵy 18 maýsymdaǵy órt aýmaǵy 2794,79 gektarǵa jetip otyr.
