Іle-Balqash boıynda qaıtadan jolbarys jortatyn boldy

ASTANA. KAZINFORM - Qazaqstan Respýblıkasynyń Ekologııa jáne tabıǵı resýrstar mınıstrligi men Dúnıejúzilik tabıǵat qory (WWF International) arasynda jolbarysty Qazaqstan Respýblıkasyna reıntrodýktsııalaý baǵdarlamasyn iske asyrý jónindegi yntymaqtastyq týraly Memorandýmǵa qol qoıyldy.

Bul memorandým Іle-Balqash tabıǵı rezervatynyń bıoártúrliligi men ınfraqurylymyn qalpyna keltirýde eleýli jetistikterge ákelgen tabysty jáne jemisti yntymaqtastyqtyń jalǵasy bolyp tabylady.

Foto: Qazaqstan Respýblıkasynyń Ekologııa jáne tabıǵı resýrstar mınıstrligi

Jolbarystyń Qazaqstanǵa oralýy - bul ekologııalyq mańyzdy joba ǵana emes, sonymen qatar tabıǵı murany qalpyna keltirý jónindegi kúsh-jigerimizdiń sımvoly. Bul bastama kóptegen uıymdar men sarapshylardyń jemisti yntymaqtastyǵynyń arqasynda múmkin boldy.