Іle Alataýynda úsh Úndi jaırasy fototuzaqqa túsip qaldy
ASTANA. KAZINFORM — Іle Alataýy memlekettik ulttyq tabıǵı parki aýmaǵynda ornatylǵan kezekti fototuzaqqaÚndi jaırasynyń (Hystrix indica) 3 daraǵy túsip qaldy.
Іle Alataýy memlekettik ulttyq tabıǵı parki aýmaǵynda ornatylǵan kezekti fototuzaqqa Qyzyl kitabyna engen Úndi jaırasynyń (Hystrix indica) 3 daraǵynyń kúndizgi ýaqytta túsýi — monıtorıng jumysynyń sapaly nátıjeleriniń biri boldy.
Bul sırek kemirgish Ulttyq parktiń batys bóliginde mekendeıdi jáne elimizdiń Qyzyl kitabynyń IV sanatyna engizilgen. Qazaqstan faýnasynda jaıra tuqymdasynyń jalǵyz ókili bolǵandyqtan, ony qorǵaý asa mańyzdy mindet.
— Olar 1200–1700 m bıiktiktegi japyraqty ormanda mekendeıdi. Qysta qar az túsetin, shóbi qalyń ońtústik betkeılerdi qystaıdy. Іn qazyp, tasty ańǵarlardaǵy qýystardy panalaıdy. Kóbine túnde belsendi. Negizgi qoregi — ósimdikter, tamyr-túınek, jemis pen tuqym. Kóktemde kóbeıedi, qysta uıqyǵa jatpaıdy (belsendiligi tómendeıdi), — delingen habarlamada.
Búginde park aýmaǵynda 32 daraq esepke alynǵan.
Aıta ketelik Altyn-Emel ulttyq parkinde Qyzyl kitapqa engen ańdarǵa sanaq júrgizildi.