Іle Alataýynda týrıstik topqa ilbis jolyqty
ALMATY. KAZINFORM – Áleýmettik jelide adamdarǵa jolyqqan ilbisterdiń beınejazbasy jarııalandy.
Qyzyl kitapqa engen janýardyń beınejazbasymen bólisken QR ETRM Orman sharýashylyǵy jáne janýarlar dúnıesi komıteti ilbisti týrıstik toptyń gıdi kameraǵa túsirgenin habarlady.
— Erekshe qorǵalatyn tabıǵı aýmaqtardyń birinde ilbis kezdesti. Sırek jyrtqyshty taýly baǵyttan qaıtyp kele jatqan týrıstik toptyń gıdi baıqap qalǵan. Erekshe sát beınekameraǵa túsirildi, — delingen komıtet jazbasynda.
Orman sharýashylyǵy jáne janýarlar dúnıesi komıtetiniń málimetinshe, ilbistiń tabıǵı meken etý ortasynda kezdesýi — taýly ekojúıeniń saqtalǵanyn jáne tabıǵı ortanyń turaqtylyǵyn kórsetetin mańyzdy belgi. Komıtet ókilderi jabaıy janýardy kezdestirgen jaǵdaıda oǵan jaqyndamaý, sońynan qýmaý, shý shyǵarmaý jáne qaýipsiz araqashyqtyqty saqtaý qajet ekenin atap ótti.
Eske salaıyq, buǵan deıin Katonqaraǵaı ulttyq parkinde taǵy bir ilbis fototuzaqqa tústi.
