Іle Alataýynda sırek kezdesetin sileýsinniń qozǵalysy baqylaýǵa alyndy
ASTANA. KAZINFORM — Іle-Alataýy memlekettik ulttyq tabıǵı parkiniń aýmaǵynda ornatylǵan fototuzaqtarǵa Qazaqstannyń Qyzyl kitabyna engizilgen Túrkistan sileýsini (Lynx lynx isabellinus) túsip qaldy.
Sırek kezdesetin jyrtqysh turaqty monıtorıng núktesimen qatar, buǵan deıin tirkelmegen ózge shatqal aýmaǵynan da anyqtaldy.
Beınematerıaldar janýardyń belsendi qozǵalysy men aýmaqtyq minez-qulqyn kórsetedi.
— Alynǵan derekter ǵylymı turǵyda saralanyp, daraqtardy jeke sáıkestendirý, qozǵalys baǵyty men meken etý aýmaǵyn zertteý jumystary júrgizilip jatyr. Ulttyq park aýmaǵynda sırek kezdesetin janýarlardy qorǵaý jáne fototuzaqtar arqyly monıtorıng júrgizý júıeli túrde jalǵasady, — delingen habarlamada.
Eske salaıyq, buǵan deıin «Ertis ormany» rezervatynda fototuzaqqa sileýsinder túsip qalǵanyn jazǵanbyz.
