Іle Alataýynda qar qory mol: sel qaýpi saqtalady
ASTANA. KAZINFORM — QR TJM Qazseldenqorǵaý jáne Almaty qalasynyń TJD birlesip Іle Alataýy jotasynyń ortalyq bóliginde aerovızýaldy tekserý júrgizdi, dep habarlaıdy vedomstvonyń baspasóz qyzmeti.
Tekserý nátıjesinde bıik taýly aımaqta qar qorynyń edáýir kóp ekeni anyqtaldy. Qar syzyǵy teńiz deńgeıinen 2600–2700 metr bıiktikte turaqtaǵan. Morenalyq kólderdiń jaǵdaıy turaqty — sý aıdyndary qar astynda, sý kelýi baıqalmaıdy.
— Qazirgi turaqtylyqqa qaramastan, qar qorynyń mol bolýy jáne temperatýranyń yqtımal aýytqýlary aldaǵy sel qaýpi kezeńinde kúrdeli jaǵdaıdyń qalyptasýyn kórsetedi. Monıtorıng shtattyq rejımde júrgizilip jatyr, — delingen habarlamada.
Osydan buryn Іle Alataýy bókterindegi jer telimi memleketke qaıtarylǵanyn jazdyq.
