Іle Alataýynda adasyp ketken er adam úsh kún ótken soń tabyldy
Almatylyq qutqarýshylar men eriktiler úsh kún boıy Іle Alataýy taýlarynda adasyp ketken er adamdy izdedi, dep habarlaıdy Kazinform.
Almaty qalalyq TJD-nyń málimetinshe 4 qarasha kúni, saǵat 17:43-te TJD-ǵa «Aıýsaı-3» sarqyramasy aýmaǵynda adasyp ketkeni týraly 1971 jyly týǵan er adamnan habarlama túsken. Er adam: «qalany bıiktikten kórip turmyn, alaıda, tik betkeıden ózdigimnen túse almaı turmyn» dep kómek suraǵan.
«Habarlama túsken soń izdestirý-qutqarý jumystaryna Úlken Almaty kóli baqylaý-qutqarý beketinde ornalasqan "109" qutqarý qyzmetiniń qutqarýshylary, TJM Respýblıkalyq jedel-qutqarý jasaǵynyń jedel toby taýlarǵa izdestirý jumystaryna jiberildi. Onyń ishinde kınologter de boldy. «Aıýsaı» shatqalyna jetken soń qutqarýshylar «Aıýsaı» shatqalynyń barlyq úsh sarqyramasyn zerttedi. Tez arada TJD bastyǵynyń mindetin atqarýshy polkovnık Asan Aıteevtiń basshylyǵymen qalanyń ózara is-qımyl qyzmetteriniń jedel shtaby (ishinde qalalyq polıtsııa departamenti bar) quryldy. Іzdestirý-qutqarý jumystaryna alǵashqy kúni 36 adam, 3 kınologııalyq esep, 2 ushqyshsyz ushý apparaty jáne «Dobrospas» eriktileri jumyldyryldy», - dep habarlady TJD-da.
Jedel kezekshiler joǵalǵan azamattyń áıelimen baılanysqa shyqqan kezde, ol jubaıynyń taýǵa senbi kúni tańǵy 7-de ketkenin aıtty. Saǵat 7.23-te Ekobeketke turǵany týraly habarlama jibergen. Saǵat 11.04-te «Aıýsaı» taýyna deıin 1,5 shaqyrym qalǵanyn aıtqan. Osydan soń baılanysqa shyqpaǵan jáne geolokatsııany de jibere almaǵan, sebebi, ary qaraı baılanys aıasynan tys jerde bolǵan.
«Týrıstti izdeý jumystary qarańǵy ýaqytta, kúrdeli taýly relef aýmaǵynda - tik betkeılerde júrgizildi. Qutqarý jumystary kezinde qutqarýshylar alpınıstik jabdyqty qoldandy. 5 qarasha kúni tańerteń (jeksenbi) qutqarý operatsııasyna Respýblıkalyq jedel qutqarý jasaǵynyń qutqarýshylary tartyldy, onyń ishinde bir kınologııalyq esep boldy. Іzdeý jumystary toqtaǵan joq, ekinshi sarqyramany teksergen soń, qutqarýshylar «Prohodnoe» shatqalyna qaraı júrip, úshinshi sarqyramany zertteýge kirisedi», - delinedi TJD-nyń habarlamasynda.
QR TJM Qazavıaqutqarý avıaborty daıyndyqqa keltirildi. Alaıda, kúrdeli relef pen qalyń ósimdikter betkeılerde qozǵalysty baıqaýǵa múmkindik bermedi. Osyǵan oraı TJD-nyń drondary men komandalyq-shtabtyq kóligi jumyldyryldy.
«6 qarasha kúni (dúısenbi) saǵat 09.58-de Bostandyq aýdany, «Aıýsaı» shatqaly, úshinshi sarqyramadan joǵary jerde eriktiler er adamdy kóredi. 1971 jyly týǵan er adamnyń aldynan shyǵyp, ony tasymaldaý úshin 109 qutqarý qyzmetinen 11 adam, TJM RJQJ-dan 12 adam «Kosmostantsııa» tarapynan barady. 6 qarashada izdestirý-qutqarý jumystaryna barlyǵy - 71 adam, 5 kınologııalyq esep, 10 birlik tehnıka, 4 UUA jumyldyryldy», - dep habarlady TJD-nyń baspasóz qyzmeti.
