Іle-Alataýy tabıǵı parkiniń aýmaǵyndaǵy fototuzaqqa sırek kezdesetin janýarlar túsip qaldy
ASTANA. KAZINFORM - Іle-Alataýy memlekettik ulttyq tabıǵı parkiniń aýmaǵyna ornatylǵan fototuzaqtar arqyly sırek kezdesetin janýarlar beınetirkeýge alyndy.
Bul týraly tabıǵı parktiń Instagram paraqshasynan málim boldy.
Onda Іle-Alataýy ulttyq parkiniń aýmaǵynda sútqorektilerdiń 48 túri mekendeıtini aıtylǵan. Olardyń altaýy Qazaqstan Respýblıkasynyń Qyzyl kitabyna engizilgen.
Jabaıy tabıǵatty baqylaý úshin orman alqaptaryna ornatylǵan fototuzaqtar kelesi erekshe sátterdi tirkedi:
Qyzyl kitapqa engen Tıan-Shan qońyr aıýynyń úsh darasy,
Túrkistan sileýsini,
maral,
sibir eligi.
Atalǵan beınematerıaldar janýarlardyń tabıǵı ortadaǵy qozǵalysyn tirkep, olardyń tirshilik áreketin baqylaýǵa múmkindik beredi. Bul – elimizdiń bıoalýantúrliligin saqtaý baǵytynda júrgizilip jatqan mańyzdy ǵylymı-zertteý jáne tabıǵatty qorǵaý jumystarynyń bir bóligi bolyp tabylady.
Osyǵan deıin Kólsaı kólderi ulttyq parkinde qyzyl kitapqa engen qar barysy fototuzaqqa túsip qalǵany týraly jazdyq.