Іle Alataýy parkinde jabaıy dońyz toraılarymen birge fototuzaqqa tústi
ALMATY. KAZINFORM – Іle Alataýy memlekettik ulttyq tabıǵı parkiniń aýmaǵynda jabaıy janýarlar dúnıesine turaqty monıtorıng júrgiziledi.
Ulttyq park qyzmetkerleri janýarlardyń mekendeý ortasyn qorǵaý, bıotehnııalyq sharalar atqarý jáne sanaq jumystaryn júıeli túrde júzege asyrady. Іle Alataý parkiniń málimetinshe, fototuzaq arqyly jabaıy dońyzdyń jas toraılaryna tabıǵı kútim jasap jatqan sáti tirkelgen.
- Dońyzdar kóbine toptasyp tirshilik etedi. Keı jaǵdaıda bir úıirdegi megejinder tek óz tólderine ǵana emes, basqa toraılarǵa da qamqorlyq tanytady. Bul – tabıǵattaǵy toptyq qamqorlyqtyń erekshe kórinisi, - dep habarlady ulttyq park baspasóz qyzmeti.
Eske salaıyq, buǵan deıin «Altyn-Emel» ulttyq parkinde sırek kezdesetin tazqaralar fototuzaqqa ilikti.
Al Katonqaraǵaıda alandaryn ertken ilbis fototuzaqqa tústi.
