Іle Alataýy bókterindegi jer telimi memleketke qaıtaryldy
ASTANA. KAZINFORM – Almaty prokýratýrasy Іle Alataýynyń taý bókterindegi jer telimin memleketke qaıtardy.
Qadaǵalaý qyzmeti sheńberinde aýdany 4,2 ga jer ýchaskesin jeke menshikke zańsyz berilgeni anyqtaldy. Daýly jer ýchaskesi saýyqtyrý maqsatyndaǵy jerlerge jatady jáne ekologııalyq jeliniń elementi bolyp sanalady.
Alataý aýdany prokýratýrasynyń talap-aryzy boıynsha sot jasalǵan mámilelerdi jaramsyz dep tapty.
Birinshi satydaǵy sheshimdi Almaty qalalyq sotynyń sot alqasy kúshinde qaldyrdy.
– Qabyldanǵan sharalardyń nátıjesinde quny 2 mlrd teńgeden astam daýly jer ýchaskesi memleket menshigine qaıtaryldy, - delingen Almaty qalasy prokýratýrasy habarlamasynda.
Aıta keteıik, Qostanaı oblysy prokýratýrasy uzaq ýaqyt boıy jerdi maqsaty boıynsha paıdalanbaǵan jer paıdalanýshylaryn anyqtady. Quny 50,8 mln teńge 1183 gektar jer memleket menshigine qaıtaryldy.
Almatyda quny 17 mlrd teńge bolatyn jer telimi memleketke qaıtaryldy.
