Іle Alataýy aýmaǵynda shamamen 35–40 ilbis mekendeıdi
ASTANA. KAZINFORM — Búgin halyqaralyq ilbis kúni. Elde ilbisterdiń tirshiligin zertteý Zoologııa ınstıtýtymen birlesip júrgiziledi, dep habarlaıdy Orman sharýashylyǵy jáne janýarlar dúnıesi komıtetiniń baspasóz qyzmeti.
Іle Alataýyndaǵy 50-den astam fototuzaq olardy tabıǵı ortada baqylaýǵa múmkindik beredi.
Al 2023 jyldan beri park aýmaǵynda tórt ilbiske taǵylǵan spýtnıktik qarǵybaýlar janýarlardyń qozǵalysy men maýsymdyq qonys aýystyrýy týraly qundy málimetter beredi.
Komıtet atap ótkendeı, ilbisti saqtaý — taýly tabıǵattyń tutastyǵyn keler urpaqqa jetkizýge qosylǵan úles.
Osyǵan deın Ońtústik Altaıda alǵash ret ilbiske spýtnıktik qarǵybaý ornatylǵanyn jazǵan edik. Іlbiske «Altaı» degen at berildi.
Birer aı buryn Іle Alataýynda týrıstik topqa ilbis jolyqqany belgili boldy.
