Lázzat Jylqybaeva Almatynyń Jetisý aýdanyna ákim boldy

ALMATY. KAZINFORM – Qala ákiminiń ókimimen QR Prezıdenti ákimshiliginiń jáne Almaty qalasy máslıhatynyń kelisimi boıynsha Jetisý aýdanynyń ákimi bolyp Lázzat Jylqybaeva taǵaıyndaldy.

Lázzat Jylqybaeva 1975 jyly 29 naýryzda týǵan. Qazaq memlekettik qyzdar pedagogıkalyq ınstıtýtyn, H. A. ıAssaýı atyndaǵy Halyqaralyq qazaq-túrik ýnıversıtetin, Ekonomıka jáne quqyq akademııasyn bitirgen.

Eńbek jolyn Almatydaǵy №1 Qazaq pedagogıkalyq kolledji tarıh pániniń muǵalimi qyzmetinen bastaǵan.

2006 jyldan bastap Almaty qalasy bilim basqarmasynyń qurylymynda jumys istedi.

2012-2016 jyldary Almaty qalasy Bilim basqarmasy bilim bóliminiń basshysy boldy.

2016-2019 jyldary Almaty qalasy bilim basqarmasy basshysynyń orynbasary boldy.

2019 jyldyń jeltoqsannan bastap qazirgi taǵaıyndaýǵa deıin Almaty qalasy Bilim basqarmasynyń basshysy qyzmetin atqardy.