Lázzat Ramazanova ShYU-ǵa múshe elderdiń kóshbasshy áıelderi aldynda sóz sóıledi
Onlaın túrde uıymdastyrylǵan Forýmǵa Qazaqstannan QR Prezıdenti janyndaǵy Áıelder isteri jáne otbasylyq-demografııalyq saıasat jónindegi ulttyq komıssııanyń tóraıymy Lázzat Ramazanova qatysty.
«Álem halqynyń jartysynan kóbin qamtıtyn Shanhaı yntymaqtastyq uıymyna múshe elderdiń aldynda qazir aımaqtyq jáne jahandyq syn-qaterler tur. Atap aıtsaq, pandemııa tusynda ult saýlyǵyn, qaýipsizdigin qamtamasyz etý, klımattyń ózgerýi syndy ortaq máselelermen qatar, genderlik teńdik máselesi de tur. Bul rette Qazaqstanda áıelderdiń quqyǵy jáne múmkindikterin arttyrý, qazaqstandyq otbasylardyń ál-aýqatyn jaqsartý máselelerinde úkimettik deńgeıde jańa mehanızmder men ınstrýmentter qabyldanyp otyr dep senimmen aıta alamyn», - dedi Lázzat Ramazanova.
Ulttyq komıssııanyń basshysy Qazaqstandaǵy áıelderdiń saılaýǵa qatysýy, kvazımemlekettik sektorlarda basshylyq quramda áıelder sanynyń artýy jáne óńirlerde Іsker áıelderdi qoldaý ortalyqtarynyń ashylýy jaıynda sóz qozǵady. Sondaı-aq Qazaqstanda kezeń-kezeńmen daǵdarysty eńserý jáne turaqty damýdyń kúntártibin ilgerletýge yqpal etetin Genderlik teńdik týraly bilim ortalyǵyn ashý maqsaty bar ekenin málimdedi.
«Qazirgi ýaqytta áılderdiń ómir sapasyn arttyrý jolynda barshamyzǵa ortaq máseleler bar. Sondyqtan da osy baǵytta jumyla kúsh biriktiretin Ortaq is-áreketterdiń jol kartasy qajet. Shanhaı yntymaqtastyq uıymyna múshe elderdiń ýákiletti organdary arasynda genderlik teńdik salasyndaǵy yntymaqtastyq týraly qol qoıylatyn memorandým yqpaldastyqty nyǵaıtýǵa septigin tıgizedi», - dep atap ótti spıker.
Lázzat Ramazanova aıtqandaı, erler men áıelder arasyndaǵy teńdikti naqty qamtamasyz etý jolynda alda atqarylar is kóp.
«Tepe-teńdikke jetýdiń ózi jappaı teńdik prıntsıpterin ilgerletýimizge baılanysty. Áıelderdiń kóshbasy jáne oń ózgeristerdiń qozǵaýshy kúshi bola alatynyn, barlyq salalarda paıdaly daǵdylar men jańa ıdeıalardy alyp kele alatynyn túsingenimiz asa mańyzdy», - dep Lázzat Ramazanova is-shara qatysýshylaryna oı tastady.
Sóz sońynda Ulttyq komıssııa basshysy Forýmnyń jumysy jáne qol qoıylǵan Memorandým, Shanhaı yntymaqtastyq uıymyna múshe elderdegi azamattardyń ómir sapasyn arttyrýǵa jáne teń quqyly yntymaqtastyq negizine súıengen seriktestiktiń nátıjesinde, aımaqta turaqty damýdy qamtamasyz etý maqsattaryna jetýge septigin tıgizetinine senim bildirdi.
