Lazzat Ramazanova Áıelder quqyǵyn qorǵaýda tájirıbe almasý úshin BUU janynan birikken bank qurýdy usyndy
NЬıÝ-IORK. QazAqparat – Nıý-Iorkte «Genderlik teńdikti jedeldetý jáne barlyq áıelder men qyzdarǵa múmkindik berý» atty áıelder jónindegi búkilálemdik konferentsııa ótti, dep habarlaıdy QazAqparat tilshisi.
Konferentsııa BUU Bas Assambleıasynyń 75-sessııasynda áıelderdiń quqyqtaryn qorǵaý týraly Beıjiń deklaratsııasynyń 25 jyldyǵyna arnalǵan.
Jıynda Qazaqstan Prezıdenti janyndaǵy Áıelder isteri jáne otbasylyq-demografııalyq saıasat jónindegi ulttyq komıssııanyń tóraǵasy Lazzat Ramazanova sóz sóıledi.
Ol Beıjiń deklaratsııasy Qazaqstandaǵy genderlik progresstiń katalızatoryna aınalǵanyn atap ótti.
«Genderlik saıasattyń ulttyq modeli, áıelderdiń quqyqtaryn qorǵaýdyń quqyqtyq bazasy men tetikteri quryldy. 2030 jylǵa deıingi otbasylyq-genderlik saıasat tujyrymdamasynyń ekinshi kezeńi júzege asyrylýda. Ol Beıjiń deklaratsııasy men Áıelderge qatysty kemsitýshiliktiń barlyq túrlerin joıý týraly konventsııany júzege asyrýǵa baǵyttalǵan. Áıelder men balalardyń quqyqtaryn qorǵaý boıynsha keshendi sharalar qabyldanýda. Jyl basynda áıelder men balalardyń jynystyq qol suǵylmaýshylyǵyna, adam saýdasyna jáne turmystyq zorlyq-zombylyqqa qarsy qylmystar úshin qylmystyq jaýapkershilik kúsheıtildi. Parlamentte depýtattardyń Ulttyq komıssııamen birlesip bastaý alǵan otbasylyq zorlyq-zombylyqtyń aldyn-alý jáne genderlik saıasat týraly zań jobalary qaralýda. Áıelderdiń saıasattaǵy ókildiginde, olardyń ekonomıkalyq múmkindikterin keńeıtýde progreske qol jetkizilýde», - dedi Lazzat Ramazanova.
Búgingi tańda Qazaqstannyń memlekettik qyzmetindegi basshylyq qyzmetterdegi áıelderdiń úlesi 40% quraıdy. Parlament Májilisindegi ókildik - 27%, jergilikti ókildi organdarda - 22%. Áıel sýdıalardyń sany 51% jetti. Sonymen birge áıelderdiń 43% -y shaǵyn jáne orta bızneste jumys isteıdi, al 78% -y jeke kásipkerler. Ekinshi deńgeıli bankterdiń basqarý quramynda 25% áıelder.
Ulttyq komıssııa tóraǵasy Qazaqstan áıelderi pandemııa jaǵdaıynda janqııarlyqpen jumys istep jatqanyn atap ótti. Bul, eń aldymen, densaýlyq saqtaý jáne áleýmettik qorǵaý salasyndaǵy qyzmetkerler, olardyń osy salalardaǵy úlesi 71% quraıdy. Qazaqstan aqshalaı jáne azyq-túlik kómekten, áleýmettik tólemderdi ındeksteý jáne bıznesti qoldaý boıynsha shuǵyl sharalar qabyldaýdan turatyn daǵdarysqa qarsy sharalar paketin qabyldady.
Qazaqstan BUU bastamasymen BUU-75 formatynda Álemniń bolashaǵy týraly jahandyq dıskýssııany qoldaıdy. Búginde adamzatqa tez arada qaýip tóndiretin qaterge qarsy elderdiń kúsh-jigeri men ıntegratsııasyn biriktirý qajet.
«Biz BUU platformasynda jahandyq daǵdarystan kezeń-kezeńimen shyǵý boıynsha usynystar ázirleıtin daǵdarysqa qarsy ortalyq, sondaı-aq, áıelderdiń quqyqtaryn qorǵaý, olardyń saqtalýyn baqylaý jónindegi sharalardy júzege asyrýdaǵy memleketterdiń ozyq tájirıbelermen jedel almasý úshin biryńǵaı Bank qurýdy usynamyz. Birlesken tájirıbe zamanaýı syn-qaterlerden ımmýnıtetke aınalatyny sózsiz jáne bul alǵa jyljýdyń negizi», - dep atap ótti ol.
