«Lazýrnyı kvartal» TK: Ákimdik órtten zardap shekkenderge kómektesedi
ASTANA. QazAqparat - Astana qalasynyń ákimdigi «Lazýrnyı kvartal» TK-da bolǵan órtten zardap shekken otbasylarǵa kómek kórsetedi, dep habarlaıdy «QazAqparat» HAA tilshisi.
«Astana qalasynyń ákimi Áset Isekeshevtiń tapsyrmasyna sáıkes, «Esil» aýdany ákimi apparatynyń qyzmetkerleri oqıǵa ornyna bardy. Zardap shekken otbasylarǵa kómek kórsetilip, órtenip ketken barlyq qujattardy qalpyna keltiriledi», - dedi ákimdikten.
Belgili bolǵandaı, BI-Group qurylys kompanııasymen ótken kelissózderden keıin úıdi salýshylar atalǵan páterlerge jóndeý jumystaryn júrgizip bermek. Sonymen birge, páter ıesi Jánibek Mámbetovty jumysqa turǵyzý máselesi qarastyrylýda.
Baspasóz qyzmetiniń habarlaýynsha, aýdandyq ákimdik Mámbetovtar otbasyna azyq-túlik pen ózge de qajettilikterdi jınap berý jumysyn uıymdastyrady. Osyǵan qatysty aqparattar qosymsha habarlanady..
Eske sala ketsek, buǵan deıin órt saldarynan «Lazýrnyı kvartal» TK-daǵy páterler kúrdeli jaǵdaıda qalǵany týraly aqparat taraǵan bolatyn.
