Láılá Sultanqyzy renjisip qalǵan jubaılardy tatýlastyrdy
ASTANA. QazAqparat - Belgili telejúrgizýshi Láılá Sultanqyzy renjisip qalǵan jubaılardyń tatýlasýyna sebepker boldy, dep habarlaıdy QazAqparat.
Belgisiz bireý Láılá Sultanqyzyna hat joldap, renjip ketip qalǵan áıeliniń qaıtyp kelýin suraýdy ótingen. Bul týraly telejúrgizýshi óziniń Instagram áleýmettik jelidegi paraqshasyna jarııalady.
«Sálemetsiz be, Láılá Sultanqyzy. Sizge bir ótinishim bar. Áıelim maǵan renjip, tórkinine ketip qaldy. Enemniń nómirin bersem, áıelimmen sóılese alasyz ba? Bálkim, sizdi tanyp, raıynan qaıtar. Sizge jazǵan sebebim, áıelimdi tańqaldyryp, ózime qaıtarar oıdamyn...», - delingen hatta.
Láılá Sultanqyzy hat ıesiniń ótinishin oryndap, eki saǵattan keıin habarlasyp, jubaılardy tatýlastyrǵanyn jazǵan.
