Láılá Sultanqyzy óziniń sýretimen berilgen bıologııalyq belsendi qospalarǵa senbeýge shaqyrdy
ASTANA. QazAqparat - Belgili qazaqstandyq telejúrgizýshi Láılá Sultanqyzy aryqtaýǵa arnalǵan bıobelsendi qospalar men túrli dárilerge senbeýge shaqyrdy, dep habarlady «QazAqparat» HAA tilshisi.
«Túrli BBQ men dáriler jarnamasy - jalǵan. Mundaı jańalyq aıtyp sensatsııa jasaý tipti uıat», - dep jazdy ol Instagramdaǵy paraqshasyna.
Onyń ornyna telejúrgizýshi durys tamaqtanýǵa shaqyrdy. Dıeta ustamaı-aq, sportpen shuǵyldanyp, ózin-ózi jaqsy kórý mańyzdy.
«Sol jaqtaǵy sýreti 5 jyl burynǵy, ol qazirgi kelbetine kelińkiremeıdi. Aryqtaımyn dep, ózderińe zııan keltirip almaýdy oılaǵan jón», - dep qosty ol.
