Láılá Sultanqyzy Syr óńirindegi bir balabaqshaǵa oıynshyqtar syılady

Qyzylorda oblysy Syrdarııa aýdanynda ornalasqan «Nur-sábı» bóbekjaı balabaqshasynyń tárbıelenýshilerine Láılá Sultanqyzy oıynshyqtar syılady, dep habarlaıdy Kazinform.

«Bári bástesýden bastaldy. Astanalyq mobılograf jigitpen 14 qyrkúıek kúni bástestik. Biraq esep teń bolyp, Erasyl bir oqyrmanǵa vıdeo túsirýdi úıretse, men oqyrman tilegin oryndaıtyn boldym.

Instagram-da “Qyzylorda oblysy Syrdarııa aýdanyndaǵy "Nur-sábı" bóbekjaı baqshasynyń balalaryna

Ońtústikke forým aıasynda jol júrip bara jatqan kezim edi. Birden baılanysqa shyǵyp, bóbekjaı týraly qosymsha aqparattar izdedim. Balalarǵa oıynshyq kóptik etpes, bir jańartyp qýantsaq dep, tosyn syı jasap barýdy josparladym", - deıdi telejúrgizýshi.

Ol Qyzylordadan kómektesýge nıet tanytqan atymtaı jomart azamattar kóp bolǵanyn atap ótti.

"Neılıa Qonysqyzy basqaratyn “Qyzylorda” optomarketiniń demeýimen, kásipker Ádilet Baınashevpen birge 500 000 teńge kóleminde 4 arba oıynshyq tańdap, 16-qazanda Syrdarııaǵa jolǵa shyqtyq», - Láılá Sultanqyzy.

2007 jyly jumysyn bastaǵan «Nur-sábı» bóbekjaıynda qazir 2 topta 45 bala tárbıelenýde. 7 pedagog, 13 tehnıkalyq qyzmetker eńbek etedi.