Laık baspaǵandardy jazalaǵan Shymkenttegi jastar ortalyǵynyń basshysy qyzmetinen ketti

ShYMKENT. KAZINFORM - Marat Spataev Shymkent qalasynyń Jastar resýrstyq ortalyǵy basshylyǵynan bosady. Bul týraly ol áleýmettik jelide jazba qaldyrdy.

Marat Spataev jazbasynda óz áriptesterine, basshylyqqa jáne seriktester bolǵan azamattarǵa alǵys bildirip, jastarmen jumys isteýdiń ózine ómirlik ustanym bolǵanyn atap ótti.

- Bul men úshin ómirimniń mańyzdy, jaýapty ári erekshe kezeńderiniń biri boldy. Osy salada júzege asqan árbir joba men atqarylǵan árbir is men úshin asa qundy. Bir jyl ishinde janashyrlyq tanytyp, shynaıy qoldaý bildirgen barlyq azamattarǵa erekshe rızashylyǵymdy bildiremin. Aldaǵy ýaqytta da shyraıly Shymqalamyzdyń gúldenýine birge atsalysamyz degen úmittemin, - dep jazdy ol.

Sondaı-aq, Marat Spataev jastardyń bolashaǵyna úles qosý baǵytyndaǵy izdenisi men eńbegi jalǵasa beretindigin jetkizdi.

- Eks-áriptesterime aıtarym – óz basym eshqashan «ıA nachalnık – ty dýrak» deıtin «keńestik kózqarasta» bolǵan joqpyn. Aldaǵy ýaqytta jolymyz toǵysyp jatsa, syılastyqta bolaıyq. Ómir ótkinshi, al shynaıy syılastyq – máńgilik, - dedi ol.

Aıta keteıik, budan buryn Shymkentte jastar ortalyǵynyń basshysy jelidegi jazbaǵa laık baspaǵan qyzmetkerlerdi jazalaǵanyn jazǵan bolatynbyz.

Tipti, jınalysqa salyp, buıryq shyǵaryp, eskertý bergen. Saldarynan bir qyzmetkerdiń densaýlyǵy nasharlap, jedel járdem shaqyrtýǵa májbúr bolǵan.