Laı kóshkini Grýzııanyń Shovı kýrortyn joq qyldy

TBILISI. AZERTADJ-QazAqparat – 3 tamyzda Grýzııanyń batysyndaǵy Racha taýly aımaǵynda bolǵan kóshkinnen Shovı kýrorty tolyq joıyldy, dep habarlaıdy QazAqparat AZERTADJ-ǵa silteme jasap.

Bul týraly jýrnalısterge Tbılısı meri, «Grýzııa armany – Demokratııalyq Grýzııa» partııasynyń bas hatshysy Kaha Kaladze málim etti. Onyń aıtýynsha, Rachadaǵy jaǵdaı aıtarlyqtaı problemalarǵa ákelgen, atap aıtqanda Shovıde ınfraqurylym buzylǵan. Kýrortty tolyq laı basqan. K. Kaladzeniń atap ótýinshe, aımaqta kóshkin saldaryn joıý jumystary táýlik boıy júrip jatyr. Aıta keteıik, qazirgi ýaqytta 18 adamnyń máıiti tabylǵan, taǵy 20 adam izdestirilip jatyr. 14 adamnyń jeke basy anyqtaldy. Olardyń arasynda rýstavılyq 18 jastaǵy ázerbaıjan Samırva Isaeva, taǵy bir Reseı azamatshasy bar.

Aıta keteıik, Grýzııanyń Shovı kýrortynda bolǵan qaıǵyly jaǵdaıǵa baılanysty 7 tamyz elde qaraly kún bolyp jarııalandy.