Lavrov Pýtın men Zelenskııdiń kezdesýine qatysty shartty atady

ASTANA. KAZINFORM – Reseı Syrtqy ister mınıstri Sergeı Lavrovtyń aıtýynsha, Vladımır Pýtın Ýkraına prezıdenti Vladımır Zelenskıımen kezdesýge daıyn ekenin birneshe ret málimdegen, dep habarlaıdy TASS. 

Alaıda mundaı kezdesýdiń ótýi úshin aldymen mınıstrler men sarapshylar joǵary deńgeıde qaralýy tıis máselelerdi jan-jaqty pysyqtap, qajetti usynystar daıyndaýy qajet.

— Bolashaqta kelisimderge qol qoıýǵa jetken jaǵdaıda, olardy ýkraın tarapynan kimniń zańdy túrde rásimdeıtinine qatysty másele de sheshilýi tıis, — dedi Lavrov.

Buǵan deıin Ýkraına prezıdenti Vladımır Zelenskıı kezdesýdi Avstrııada, Shveıtsarııada nemese Túrkııada ótkizýge keliskenin, biraq Reseıde nemese Vengrııada bolmaıtynyn aıtqan edi.

Eske salsaq, 18 tamyzda AQSh prezıdenti Donald Tramp Vashıngtonda Zelenskıı jáne Eýropa elderiniń basshylarymen kezdesip, keıin Vladımır Pýtınmen telefon arqyly sóılesken. Osydan soń Aq úı Reseı men Ýkraına prezıdentteriniń kezdesýin uıymdastyrýdy jarııalaǵan bolatyn.