Lavrov pen Kerrı Sırııa jónindegi jospardy kelisti
ASTANA. 14 qyrkúıek. QazAqparat - Reseı men AQSh Sırııadaǵy hımııalyq qarýǵa halyqaralyq baqylaý ornatý josparyn kelisti, dep habarlady Lenta.rý.
Bul týraly AQSh memlekettik hatshysy Djon Kerrı men Reseı syrtqy ister mınıstri Sergeı Lavrov búgin Jenevada ótken kelissózderdiń qorytyndylary boıynsha málimdedi. Syrtqy saıasat vedomstvolary basshylarynyń birlesken baspasóz máslıhaty "Reseı-24" telearnasy boıynsha tikeleı efırde berildi.
"AQSh pen Reseı sırııalyq hımııalyq qarýdy joıýǵa qol jetkizýge jáne ony barynsha qaýipsiz etýge batyl nıetti. Sırııa bir aptanyń ishinde osy qarýdyń barlyq tizimin berýge tıisti", dep habarlady Kerrı. Onyń aıtýynsha, taraptar Asad rejımindegi hımııalyq qarýlardyń kólemi men túrin baǵalaýda ortaq toqtamǵa keldi.
Jospar boıynsha, hımııalyq qarý jónindegi halyqaralyq ınspektorlar Sırııa aýmaǵyna 2013 jylǵy qarashadan keshikpeı kelýi tıis. Sırııalyq arsenaldy joıý 2014 jyldyń ortasyna qaraı josparlanyp otyr. Ony joıýdyń praktıkalyq máseelerin Hımııalyq qarý jónindegi Uıym sheshedi. Bul úderisti qarjylandyrýǵa halyqaralyq donorlar tartylady.
Lavrovtyń aıtýynsha, jospardy júzege asyrý Sırııaǵa áskerı soqqy berýge toqtaý salady. Ol Máskeý men Vashıngton problemany saıası retteýdi jaqtaıtynyn málim etti. Soynmen qatar, Kerrı eger Sırııa mindttemelerin oryndamaǵan jaǵdaıda, BUU Qaýipsizdik keńesinde AQSh pen RF basshylary qatań qarar jobasyn jasaýǵa kelisti, dep atap ótti. Onyń aıtýynsha, hıııalyq qarýdy qoldanýǵa kinálilerge naqty sharalar BUU Qaýipsizdik Keńesinde qosymsha talqylanatyn bolady.
Sırııada hımııalyq qarý qoldanylǵany 21 tamyzda belgili boldy. Belgisiz gazben ýlaný saldarynan Damask mańynda keminde 1400 adam qazaǵa ushyrady. Sırııa bıligi men kóterilisshiler búl kináni bir-birine japty. Kóp uzamaı ýlandyratyn gazdy bılik qoldanǵan degen senimdegi AQSh Sırııaǵa soqqy beretini týraly jarııalady. Alaıda Reseı hımııalyq qarýdy halyqaralyq baqylaýǵa berý, al qarýdyń ózin joıý jóninde bastama kóterdi. Damask bul shartqa kelisti, sodan keıin AQSh Kongresi kúsh qoldanýdyń qajettiligin belgisiz ýaqytqa keıinge qaldyrdy.
