Lavrov Qazaqstandy BUU Qaýipsizdik Keńesindegi tabysty jumysymen quttyqtady

MÁSKEÝ. QazAqparat - RF Syrtqy ister mınıstri Sergeı Lavrov QR Syrtqy ister mınıstri Beıbit Atamqulovpen kezdesýde Qazaqstandy 2017-2018 jyldary BUU Qaýipsizdik Keńesiniń jumysyna turaqty emes múshe retinde tabysty atsalysýymen quttyqtady, dep habarlaıdy QazAqparat.

«Sizdi Máskeýde kórgenime qýanyshtymyn. Sizdi, Beıbit Bákiruly, Qazaqstan Respýblıkasynyń Syrtqy ister mınıstri bolyp taǵaıyndalýyńyzben taǵy da quttyqtaımyn», - dedi S. Lavrov qazaqstandyq elshige.

Reseılik mınıstr eki eldiń basshylary bekitetin kelisimder aıasynda Qazaqstan men Reseı yntymaqtastyǵyn, strategııalyq seriktestigin nyǵaıtý jumystaryn birlese jalǵastyratyndaryna senim bildirdi.

«Syrtqy saıası úılestirý týraly aıta kele, qazaqstandyq áriptesterdi 2017-2018 jyldary BUU Qaýipsizdik Keńesiniń jumysyna turaqty emes múshe retinde tabysty atsalysýymen quttyqtaımyn. Sırııa boıynsha joǵary deńgeıli halyqaralyq kezdesýlerde dostarymyzdyń kórsetken kómegin joǵary baǵalaımyz. Kezekti kezdesý Astanada kelesi aıdyń basynda ótedi.

Qazaqstannyń Aqtaý qalasynda jıyrma jyldyq kelissózderden keıin Kaspııdiń quqyqtyq mártebesi týraly Konventsııaǵa qol qoıylýymen de quttyqtaımyz», - dep atap ótti Sergeı Lavrov.

Avtor: Medet Ahmetov