Laýra Mersalımova QR ádilet vıtse-mınıstri qyzmetine taǵaıyndaldy
ASTANA. KAZINFORM - Qazaqstan Respýblıkasy Úkimetiniń qaýlysymen Laýra Qanatqyzy Mersalımova ádilet vıtse-mınıstri qyzmetine taǵaıyndaldy. Bul týraly QR Premer-Mınıstriniń ,aspasóz qyzmeti habarlaıdy.
1981 jyly Qaraǵandy qalasynda dúnıege keldi. Qazaq gýmanıtarlyq-zań ýnıversıtetin, RF Prezıdenti janyndaǵy Reseı halyq sharýashylyǵy jáne memlekettik qyzmet akademııasyn bitirgen.
Eńbek jolyn 2002 jyly QR Ádilet mınıstrligi AHAJ bóliminiń jetekshi mamany bolyp bastady.
2003-2010 jyldary — QR ÁM jetekshi maman, bas maman, bólim bastyǵy, basqarma bastyǵy.
2010-2014 jyldary — QR ÁM departamenti dırektorynyń orynbasary.
2014 jyly QR tutynýshylardyń quqyqtaryn qorǵaý agenttigi Zań qyzmeti departamentiniń dırektory boldy.
2014-2023 jyldary — «Atameken» ulttyq kásipkerler palatasynda departament dırektorynyń orynbasary, basqarýshy dırektor – departament dırektory.
2024 jylǵy naýryzdan bastap qazirgi ýaqytqa deıin — QR ádilet vıtse-mınıstri (A. Q. Muqanova áleýmettik demalysta bolǵan kezde).
2024 jyldyń qyrkúıeginen bastap buryn osy qyzmetti atqarǵan Alma Muqanova basqa jumysqa aýysýyna baılanysty bosatyldy.
