Laýra Esenkeldi bokstan álem kýbogynda shırek fınalǵa shyqty
ASTANA. KAZINFORM - Qytaıdyń Gýııan qalasynda ótip jatqan álem kýbogynyń ekinshi kúni, 16 maýsymda qazaqstandyq Laýra Esenkeldi (70 keli) 1/8 fınalǵa shyqty.
Otandasymyz 1/8 fınalda ıspanııalyq Ýnıa Martınez Maspen qolǵap túıistirdi. Qazaqstan chempıony álemdik jarysta 70 kelide alǵash ret judyryqtasyp otyr. Soǵan qaramastan ol qarsylasyn esh qıyndyqsyz jeńip, barlyq raýndty óz enshisine jazdy. Esep: 5:0.
Endi el quramasynan Nurbek Oralbaı (90 keli) sharshy alańǵa shyǵady. Qarsylasy - ózbekstandyq Turabek Habıbýllaev.
Aıta ketsek, búgin el quramasynan Sanatáli Tóltaev (65 keli), Tımýr Nurseıitov (75 keli), Nazym Qyzaıbaı (54 keli) jarystyń kelesi satysyna shyqsa, Tımýr Qabdeshev (55 keli) qarsylasyna ese jiberip qoıdy.
Eske salsaq, 15 maýsymda álem kýbogy ekinshi kezeńinde el quramasynan Sabyrjan Aqqalyqov (80 keli), Nurbek Oralbaı (90 keli), Serik Temirjanov (60 keli), Aıbek Oralbaı (90 keliden joǵary), Dına Islambekova (80 keliden joǵary) jarysty jalǵastyrýǵa múmkindik aldy.
Ókinishke qaraı, el quramasynan Natalıa Bogdanova (75 keli) qarsylasyna ese jiberip, jarys jolynan shyǵyp qaldy.
