Laýra Demesinova: El tarıhyndaǵy óte mańyzdy kezeńge aıaq bastyq
«Bizdiń elimizdiń tarıhyndaǵy óte mańyzdy kezeńge aıaq bastyq. Osy ýaqyttyń ishinde kóptegen oqıǵalar boldy, bizdiń respýblıka da, onymen birge ózimiz de óstik. 1993 álde, 1994 jyly ma eken, men Prezıdentti tuńǵysh ret kórgen bolatynmyn. Nursultan Ábishuly Nazarbaev Taldyqorǵandaǵy alańda minberden sóılep turǵan tusynda Prezıdentti kórsetý úshin sheshem meni ıyǵyna kóterip aldy. Maǵan Elbasy alystan kórinip tursa da, kóz aldymda oıly ári ashyq adam retinde saqtalyp qaldy», - deıdi «Bolashaq» qaýymdastyǵynyń atqarýshy dırektory Laýra Demesinova.
Ol Elbasy bastaǵan «Bolashaq» baǵdarlamasy boıynsha oqyp kelip, Elbasy negizin qalaǵan elordada turyp jatqanyn aıtady.
«Memleket basshysyna barlyǵy úshin rahmet aıtamyn! Qazaqstannyń aspany ashyq bolsyn. Nursultan Ábishulyna bárimiz de adaldyq saqtap qalamyz. Bizdiń Qazaqstannyń damýy men gúldenýine orasan zor úlesin qosqan, álemdi moıyndatqan memleketti órkendetken osyndaı Prezıdentimizdiń bolǵanyna qatty qýanyshtymyz», - deıdi ol.
Eske sala ketsek, búgin Memleket basshysy Nursultan Nazarbaev respýblıkalyq telearnalar arqyly Qazaqstan halqyna arnalǵan málimdemesinde Prezıdenttik ókilettigin toqtatatynyn jarııa etken bolatyn.
