«Laýra» daýyly: Lýızıana shtatyndaǵy hımııa zaýytynda hlor aýaǵa tarap ketti
LÝIZIANA. QazAqparat – Beısenbi kúni Meksıka shyǵanaǵyndaǵy jaǵalaýda «Laýra» daýyly soǵyp, sonyń saldarynan Lýızıanadaǵy zaýytta hlor aýaǵa tarap ketti, dep habarlaıdy QazAqparat Independent saıtyna silteme jasap.
Lýızıana hımııa zaýytynda joǵary ýytty hlordyń tarap ketýine baılanysty turǵyndarǵa terezeler men esikterin jaýyp, sondaı-aq kondıtsıonerdi óshirip, úıde bolýǵa keńes berildi. Zaýytta memlekettik polıtsııa qyzmetkerleri jumys istep jatyr.
Bul jaǵdaı AQSh-tyń Lýızıana shtatynyń batys bóligindegi Ýestleık qalasyndaǵy «BioLab» hımııalyq elementterin shyǵaratyn kásiporynda oryn alǵan.
«Fox» arnasynyń meteorology Bred Soýder óziniń Tvıtterinde jaǵdaıdy «asa qaýipti» dep baǵalaǵan.
Áleýmettik jelilerdegi beınejazbalarda zaýyttyń ústinde seıilmeı turǵan bultty kórýge bolady. AQSh-tyń Meksıka shyǵanaǵynyń jaǵalaýynda munaı-hımııa salasynyń taǵy birneshe kásiporny ornalasqan.
«BioLab» zaýyty 1979 jyly salynǵan jáne trıhlorızotsıanýr qyshqylyn, hlorlaıtyn túıirshikterdi jáne turmystyq tazartqyshtarda qoldanylatyn basqa da hımııalyq zattardy óndirýge mamandandyrylǵan. Bul ónimder adamdar men janýarlardyń aǵzasyna túsken jaǵdaıda qaýipti.
«BioLab» zerthanasy tıesili «KIK Custom Products» kompanııasynyń ókili kompanııa zaýyttarynyń birinde órttiń áli sóndirilmegenin habarlady. Sondaı-aq qazirgi tańda Leık-Charlz qalasy turǵyndarynyń qaýipsizdigi men ál-aýqaty basty orynda ekenin de atap ótti.
Apat oryn alǵan zaýytqa arnaıy top jiberildi. Olarǵa jedel áreket etý, jergilikti basqarý jáne tabıǵat qorǵaý mekemeleriniń qyzmetkerleri de qosyldy.
«Laýra» daýyly saǵatyna 70 mıl jyldamdyqtaǵy tropıkalyq daýylǵa deıin álsiredi. Daýyl beısenbi kúni tańerteń AQSh-tyń Meksıka shyǵanaǵynyń jaǵalaýynda saǵatyna 150 mıl jyldamdyqpen soǵyp bastaǵan bolatyn
