«Laýra» daýyly: AQSh-ta 240 myńnan astam adam elektr jaryǵynsyz qaldy
NUR-SULTAN. QazAqparat – «Laýra» daýyly saldarynan Amerıkanyń Lýızıana jáne Tehas shtattarynda 242 myńnan astam adam elektr jaryǵynsyz qaldy. Bul týraly QazAqparat SNN-ge silteme jasap habarlaıdy.
Daýyl saldarynan Lýızıanada 190 myńnan astam adam jáne Tehas shtatynda 52 myńnan astam adam elektr jaryǵynan qol úzdi.
Saffır-Sımpson shkalasy boıynsha tórtinshi kategorııaly «Laýra» daýyly Meksıka shyǵanaǵynyń amerıkandyq jaǵalaýynda beısenbi kúni bastalǵan. Ol soltústikke qaraı caǵatyna 24 shaqyrym jyldamdyqpen baǵyt alǵan, al jyldamdyǵy - 66 m/s asyp tur.
Ádette Atlantıkadaǵy daýyl maýsymy jarty jylǵa – maýsym aıynyń basynan qarashanyń sońyna deıin jalǵasady.
