Laýra Almaǵanbetova erkin kúresten Azııa chempıony atandy

BІShKEK. QazAqparat - Erkin kúresten Azııa chempıonatynda 23 jasqa deıingiler arasynda Laýra Almaǵanbetova top jardy, dep habarlaıdy QazAqparat.

Qazaqstan kúres federatsııasy taratqan málimetke sensek, United World Wrestling uıymy Laýra Almaǵanbetovaǵa arnaıy hat joldaǵan.

Onda Bishkekte ótken Azııa chempıonatynyń fınalynda Laýramen beldesip, altyn medal jeńip alǵan úndistandyq sportshynyń dopıngke qarsy talaptardy buzǵany jazylǵan.

Osylaısha chempıonattyń 57 kelige deıingi salmaqtaǵy altyn medali qazaqstandyq sportshyǵa beriledi.

Laýra Jaqsylyqqyzy Qostanaı oblysynda týǵan. 2004 jyldan beri Sarykól aýdandyq balalar jáne jasóspirimder sport mektebinde jattyǵady.

Qazaqstan Respýblıkasynyń sport sheberi, Qazaqstan Respblıkasynyń alty dúrkin chempıony, Azııa chempıonatynyń eki dúrkin kúmis júldegeri, Álem chempıonatynyń qola júldegeri.

Qazaqstannyń 100 jańa esimi jobasyna iriktep alynǵan.

Foto: instagram.com/kazakhstan__wrestling