Laýazymdy tulǵalar tankige eski qozǵaltqysh qoıý arqyly 1 mlrd teńgeni qoldy qylǵan

NUR-SULTAN. QazAqparat - «Semeı mashına jasaý zaýyty» AQ laýazymdy tulǵalarynyń 1 mıllıard teńgeden astam qarajatty urlaǵany anyqtaldy, dep habarlaıdy QR Qarjy monıtorıngi agenttigi Shyǵys Qazaqstan oblysy boıynsha aýmaqtyq departamentiniń baspasóz qyzmeti.

««Semeı mashına jasaý zaýyty» AQ laýazymdy tulǵalarynyń 1 mıllıard teńgeden astam qarajat urlaǵany anyqtaldy. Urlyq qosalqy bólshekter qunyn asyra baǵalaý jáne elimizdiń ártúrli áskerı bólimderin buryn paıdalanylǵan tank qozǵaltqyshtarymen, sondaı-aq tank shlemofondarymen qamtamasyz etý arqyly jasalǵan. Tergeý barysynda zaýyt dırektorynyń birinshi orynbasary Súleımenov Q.R. tankilerge arnalǵan jańa qozǵaltqyshtardyń ornyna 1985-2012 jyldary shyǵarylǵan qozǵaltqyshtardy jetkizýdi uıymdastyrǵany anyqtaldy» delingen habarlamada.

Semeı qalasy sotynyń úkimimen Q.Súleımenov aıypty dep tanylyp, 7 jylǵa bas bostandyǵynan aıyryldy.