Laýazymdy tulǵa para alǵany úshin sottaldy
ASTANA. QazAqparat - Qaraǵandy oblysynyń Shahtınsk qalalyq soty Qazaqstan Respýblıkasy Qylmystyq kodeksiniń 190-b. (alaıaqtyq) 1-bólim, 366-b. (para alý) 2-bóligine sáıkes (qylmys jasaý) A. degen azamatqa qarsy qylmystyq isti qarady.
Ol laýazymdy tulǵa bola tura deldal arqyly merdiger uıymynyń dırektorynan Shahtınsk qalasynyń keıbir úılerine jylý jelilerin aǵymdyq jalǵaý, jóńdeý jumystaryn júrgizýge utyp alynǵan tenderden 10 paıyzdyq qaıtarym túrinde qomaqty soma para alǵan.
Sóıtip, A. ortalyq jelilik qubyrynan MM ǵımaratyna aǵymdyq jalǵaý jóńdeý jumystaryn júrgizýge jańa qosymsha kelisimshart jasaǵan. Óz erkimen qala ákiminiń ókimimen jumystan bosatylyp, laýazymdy tulǵa bolmaı, óz áreketteriniń zańsyzdyǵyn túsine otyra, aldaý jolymen jáne senimdi teris paıdalanyp, sol dırektordan qosymsha kelisimshartty qurý boıynsha jalpy somadan 10 paıyzdyq qaıtarym túrinde aqsha alý qylmystyq nıetke barǵan.
Berilgen zańsyz áreketterdi toqtatý maqsatynda merdiger uıymynyń dırektory Qaraǵandy oblysy boıynsha sybaılas jemqorlyqqa qarsy kúres qyzmetine kináli tulǵalarǵa qatysty ótinishimen júgindi. Osyǵan baılanysty sybaılas jemqorlyqqa qarsy kúres qyzmetiniń qyzmetkerleri ony ustady.
Sot úkimi boıynsha A. menshigindegi múlki tárkilenip, jalpy tártiptegi túzeý kolonııasynda 3 jylǵa jáne memlekettik fýnktsııalardy oryndaýǵa ýákiletti laýazymdy atqarý quqyǵynan ómirlik aıyrý jazasy taǵaıyndaldy.
Qazaqstan Respýblıkasynyń «Qazaqstan Respýblıkasynyń Táýelsizdiginiń jıyrma bes jyldyǵyna baılanysty raqymshylyq týraly» Zańynyń 4b. 1b. 1p. «bas bostandyǵynan aıyrý túrindegi negizgi jazasynyń ótelmegen bóliginiń jartysy qysqartylatyny» kúshinde qalmaq.
Úkim zańdy kúshine engen joq.
